Moldovanın Qaqauz Muxtar Vilayətinin rəhbəri Yevgeniya Qutsulun vəkili onun məhkəmə iclaslarında şəxsən iştirakını tələb edib.
Medialive.az xəbər verir ki, bu barədə jurnalistlərə vəkil Sergey Moraru məlumat verib.
Vəkil bildirib ki, Qanuna görə, Apellyasiya Palatası işi öz qaydasında dinləmək istəsə və bəzi daxili qaydalara istinad etsə belə, təqsirləndirilən şəxs məhkəmə zalında olmalıdır.
O əlavə edib ki, təqsirləndirilən şəxsin məhkəmə iclaslarında videobağlantı vasitəsilə iştirak etməsi təcrübəsi 2020-ci ildə COVID-19 pandemiyası zamanı tətbiq edilib və bunun əsaslı səbəbləri var.
Qaqauziya rəhbəri dinləmələri videobağlantı vasitəsilə izləyir. Lakin o, gecikmiş tərcüməni dinlədiyi üçün prosesdə tam iştirak edə bilmir və bu, müdafiəyə əhəmiyyətli dərəcədə mane olur.
Xatırladaq ki, ötən ilin avqustun 5-də Moldova məhkəməsi Qutsulu müxalifət partiyası “Şor”un maliyyələşdirilməsi ilə bağlı qanun pozuntularına görə yeddi il həbs cəzasına məhkum edib.
Məhkəmə həmçinin onu siyasi partiya üzvlüyündən beş il müddətinə kənarlaşdırıb və bu məbləğ partiyanın maliyyələşdirilməsi üçün istifadə olunub.
