“Ukrayna Prezidenti Volodimir Zelenski 28 bəndlik sülh planında ölkəsinin ərazilərinin Rusiyaya verilməsini qəbul etməyib”.
Medialive xəbər verir ki, bu barədə Ukrayna Prezident Aparatının rəhbəri, Zelenskinin köməkçisi Andriy Yermak “The Atlantic”ə müsahibəsində deyib.
“Bu gün heç bir ağlı başında olan insan ərazilərdən imtina ilə bağlı sənəd imzalamaz. Nə qədər ki, Zelenski prezidentdir, heç kim bizdən ərazilərdən imtina etməyi gözləməməlidir. Zelenski həmin ərazilərdən imtina haqqında sazişi imzalamayacaq. Konstitusiya bunu qadağan edir” – deyə Yermak əlavə edib.
