ABŞ-nin son hərəkətləri nəticəsində Nikolas Maduro ölkəni tərk edərsə və ya öldürülərsə, o zaman hakimiyyətin hərbi yolla ələ keçirilməsi, hətta vətəndaş müharibəsinin başlanması da istisna oluna bilməz.
Medialive xəbər verir ki, bu barədə CNN məlumat yayıb.
Hazırda ABŞ-nin Karib dənizi regionunda Maduronu hakimiyyətdən uzaqlaşdırmaq üçün genişmiqyaslı əməliyyata başlamaq üçün kifayət qədər hərbi resursları yoxdur.
Telekanalın məlumatına görə, ABŞ regiona minlərlə hərbçi yeritsə də, Tramp administrasiyası hələ də Venesuelaya qarşı hərbi əməliyyata başlamaq barədə qərar qəbul etməyib.
Maduro dəfələrlə xəbərdarlıq edib ki, ölkəsi son 100 ildə ABŞ-ın ən ciddi işğalı təhlükəsi ilə üz-üzədir. Vaşinqton Venesuela hakimiyyətini narkotik qaçaqmalçılığı ilə kifayət qədər mübarizə aparmamaqda ittiham edir. ABŞ Hərbi Dəniz Qüvvələri Karib dənizinə səkkiz gəmi, bir nüvə sualtı qayığı və 16 mindən çox şəxsi heyət yerləşdirib və sentyabr ayından bəri Venesueladan narkotik qaçaqmalçılığı ilə bağlı saxta ittihamlarla beynəlxalq sularda ən azı 20 sürətli qayığı və 76 nəfəri məhv edib. Noyabrın 16-da Pentaqon USS Gerald R. Ford təyyarədaşıyan gəmisinin başçılıq etdiyi Amerika gəmilərinin zərbə qrupunun Karib dənizinə daxil olduğunu açıqlayıb.
