Amerika Pentaqonun tükənmiş ehtiyatları və mərmilərə qlobal tələbatın artması səbəbindən sursat istehsalını kəskin şəkildə artırmağa məcbur olub.
Medialive xəbər verir ki, bu barədə “The Washington Times” məlumat yayıb.
Nəşrin yazdığına görə, ABŞ-nin əsas silah istehsalçıları Pentaqonun və Konqresin təzyiqi altında Ukraynaya, İsrailə və digər qaynar nöqtələrə silah çatdırılması nəticəsində tükənmiş arsenalların artırılmasını sürətləndirmək üçün istehsala milyonlarla dollar sərmayə qoyurlar.
Bildirilib ki, artıq ABŞ hərbi-sənaye kompleksi son illərdə istehsalın fəlakətli aşağı səviyyədə olduğunu anlayıb.
Xüsusilə, L3 Harris, Lockheed Martin və General Dynamics kimi böyük şirkətlər bərk raket mühərriklərinin hazırlanması və istehsalına birgə 700 milyon dollar sərmayə qoyublar.
Qeyd edək ki, 2026-cı ilə qədər bu kateqoriyaya aid böyük mühərriklər üçün istehsal həcminin cari səviyyələri altı dəfə, daha kiçik mühərriklər üçün isə üç dəfə üstələyəcəyi gözlənilir.
