“Aİ Rusiyaya qarşı sanksiyalar siyahısına daha 40 gəmi əlavə etmək niyyətindədir”.
Medialive xəbər verir ki, bu sözləri Avropa Birliyinin xarici işlər naziri Kaya Kallas deyib.
“Bu gün biz “kölgə donanması”ndan olan gəmilərlə bağlı qərar qəbul edəcəyik. Bu, 40 gəmiyə, eləcə də sanksiyalardan yayınmaya kömək edən şəxslərə aiddir”, – deyə o, Aİ Şurasının xarici işlər nazirləri səviyyəsində keçirilən iclasından əvvəl bildirib.
Kallas qeyd edib ki, nazirlər Kiyevin maliyyələşdirilməsi ilə bağlı məsələləri də müzakirə edəcəklər.
O, əmin edib ki, bu cür məsələləri həll etməyin ən yaxşı yolu bloklanmış Rusiya vəsaitləri hesabına verilməsi planlaşdırılan “təzminat krediti”dir.
Eyni zamanda, Aİ-nin baş diplomatı kreditlə bağlı hələlik konsensus olmadığını etiraf edib.
