Estoniya hökuməti bütün hərbi çağırışçılar üçün xidmət müddətinin 12 aya qədər artırılması barədə qərarı təsdiqləyib.
Medialive xəbər verir ki, əvvəllər çağırışçılar ixtisaslarından asılı olaraq 8 və ya 11 ay xidmət edirdilər.
Məlumata görə, 2027-ci ildən başlayaraq hər il 4100-ə qədər gənc hərbi xidmətə çağırılacaq və çağırış ildə iki dəfə baş tutacaq.
Bildirilib ki, dəyişikliklər təlimin həcminin və texniki mürəkkəbliyinin artması, müasir silah sistemlərinin tətbiqi, eləcə də Müdafiə Qüvvələrinin döyüş strukturu və dəyişən təhlükəsizlik vəziyyəti üçün kifayət qədər təlim keçmiş ehtiyatın təmin edilməsi zərurəti səbəbindən zəruridir.
Yeni xidmət strukturu altı aylıq intensiv təlimdən və altı aylıq praktiki xidmətdən ibarətdir.
