Bir neçə gün öncə açıqlaması ilə gündəmə gələn ABŞ-nin vitse-prezidenti Ceyms Vens Vaşinqtonda Netanyahu ilə görüşüb.
Medialive.az xəbər verir ki, bu barədə İsrail mediası məlumat yayıb.
Belə ki, müsbət adlandırılan görüşün əsasını İran məsələsi və Netanyahunun Trampa təzyiqi təşkil etdiyini bildirilib.
Yaxın Şərqdə İranla bağlı gərginlik artmaqda davam etdikcə, Vaşinqtonda keçirilən kritik görüş diqqəti cəlb edib. İsrailin Baş naziri Binyamin Netanyahu ilə ABŞ-ın vitse-prezidenti JD Vance arasında keçirilən görüşdə ikitərəfli münasibətlərin, eləcə də İran məsələsinin müzakirə olunduğu iddia edilir.
İsrail mətbuatına danışan yüksək vəzifəli İsrail rəsmilərinin sözlərinə görə, Ağ Evin binasında Vens və Netanyahu arasında ikitərəfli görüş müsbət atmosferdə keçib.
Vaşinqtona səfərini davam etdirən Netanyahunun bu gün ABŞ müdafiə naziri Pit Heqsetlə görüşəcəyi bildirilir.
Jurnalistlərlə söhbətində İsrail rəsmiləri bildiriblər ki, Vensə yaxın mənbələr iki lider arasındakı görüşün qarşısını almaq səylərinin Netanyahunun Trampa İrana qarşı daha sərt mövqe tutması üçün təzyiq göstərməsinin qarşısını almaq məqsədi daşıdığını irəli sürüblər.
Qeyd edək ki, Vens iyulun 16-da bildirib ki, Trampın seçki kampaniyası zamanı İsrail hökumətinin özü tərəfindən maliyyələşdirilən insanlar ona amansızcasına hücum ediblər.
“Onlar mənə hücum edirlər, çünki mən Prezidentin özünün ölkə üçün müəyyən etdiyi danışıqlar məqsədinə çatmağa çalışıram” – deyə o bildirib.
