Fransa peşəkar müqavilə xidməti ilə yanaşı, gələcək çağırışlara və təhdidlərə cavab olaraq gənc vətəndaşlar üçün könüllü hərbi xidmət təqdim edəcək.
Medialive xəbər verir ki, bu barədə Fransa Prezidenti Emmanuel Makron İser departamentindəki hərbi bazada əsgərlər qarşısında çıxış edərkən danışıb.
“Biz hərbi xidmətə qayıda bilmərik, amma millətin öz müdafiəmiz üçün səfərbər olmasına ehtiyacımız var. Bu və ya digər düşmənə qarşı deyil, hazırlıqlı və hörmətli olmaq lazımdır. Biz gənclərimizin sürətindən yararlana bilərik və millətimizi qarşıda duran çağırışlara və təhlükələrə hazırlaya bilərik. Yeni milli xidmət proqramı gələn ilin yayından başlayacaq”, – o deyib.
Dövlət başçısı proqramın 18-19 yaşlı gənclər üçün açıq olacağına, həm gənc oğlanların, həm də qadınların iştirak etmək hüququna malik olacağına aydınlıq gətirib:
“Xidmət 10 ay davam edəcək, onun bir ayı silah hazırlığı və məşqə həsr olunacaq, qalan doqquz ay isə birbaşa hərbi hissələrdə keçəcək, burada çağırışçılar respublikanın hər yerində – həm Avropada, həm də Fransanın xarici ərazilərində gündəlik missiyalarda iştirak edəcəklər.
