İsrailin baş naziri Benyamin Netanyahu radikalların aşkar etdikləri girovların qalıqlarının təhvil verilməsinin gecikdirilməsini Qəzzada atəşkəs razılaşmasının pozulması adlandırıb.
Medialive xəbər verir ki, bu barədə “Əl-Cəzirə” telekanalı məlumat yayıb.
“Fələstin tərəfi İslami Cihadın girovun qalıqlarının aşkar edildiyini elan etməsi fonunda, İsrail onların dərhal təhvil verilməsinin gecikdirilməsini son dərəcə mənfi hesab edir. Bu, Qəzzada atəşkəs razılaşmasının növbəti pozulmasıdır”, – bəyanatda deyilir.
Netanyahunun ofisi əlavə edib ki, İsrail hələ də Qəzza zolağında saxlanılan üç ölən girovun qalıqlarının dərhal geri qaytarılmasını tələb edir.
Qeyd edək ki, noyabrın 24-də Qəzzada daha bir ölü israilli girovun qalıqlarının tapıldığını bildirib.
Məlumata görə, meyit Nuseyrat fələstinli qaçqın düşərgəsinin şimalında aşkar edilib.
