Beynəlxalq ətraf mühit təşkilatı “Greenpeace”in fəalları Praqada Çexiya Ətraf Mühit Nazirliyinin binasında aksiya keçiriblər.
Medialive xəbər verir ki, bu barədə Çexiyanın ČTK xəbər agentliyi məlumat yayıb.
Məlumata görə, etirazçılar bu gün səhər Praqa qəsrində yeni hökumətin təyin edilməsi mərasimindən əvvəl nazirliyin damına qalxıblar.
Onlardan bir neçəsi iplərin üzərində enərək binanın fasadından “Təbiəti qoruyun” yazısı olan banner asıb.
Polis və yanğınsöndürənlər aksiya keçirilən əraziyə gəliblər.
Prezident xarici işlər naziri Petr Macinkanı müvəqqəti Ətraf Mühitin Mühafizəsi Naziri təyin edib.
Qeyd edək ki, ictimai fəallar Motoristé nümayəndələrinin nazirliyə rəhbərlik etməsinin qadağan edilməsini tələb ediblər.
