Qəzzada ekoloji vəziyyət fəlakət həddinə çatıb, epidemiya riski yüksəkdir.
Medialive xəbər verir ki, bu barədə Qətərin “Əl-Cəzirə” telekanalı məlumat yayıb.
Telekanal əlavə edib ki, Qəzzada hərbi əməliyyatlar nəticəsində dağıntıların miqyası böyükdür, bu, tullantı və dağıntıların yığılmasını çətinləşdirir və onların vaxtında çıxarılmasını qeyri-mümkün edir. Bunun nəticəsində bitki örtüyünün 90%-i məhv olub.
Qeyd edək ki, noyabrın 7-də Birləşmiş Millətlər Təşkilatının İnkişaf Proqramının (UNDP) Qəzza ofisinin rəhbəri Alessandro Mrakiç bildirib ki, zolaq tonlarla zibillə doludur və antisanitar şərait yerli əhalinin sağlamlığına ciddi təhlükə yaradır.
