“Yenidən Rusiyanın müstəmləkəsi olmaqdansa, ot yeməyə üstünlük veririk”.
Medialive xarici mediaya istinadən xəbər verir ki, bu fikirləri Polşanın xarici işlər naziri Radoslav Sikorski deyib.
O bildirib ki, Ukraynanın məğlub olması vəziyyətində Rusiyanın növbəti hədəfi Polşa olacaq.
Sikorski bəyan edib ki, Polşada rus ekspansionizmi təhlükəsi ilə bağlı ictimaiyyətin narahatlığı ölkənin müdafiə xərclərinin bu qədər yüksək olmasının və digər sahələrdə vəsaitlərin qurban verilməsinin səbəbidir.
Sikorski Ukraynanın daha üç il davam edəcək müharibəyə hazır olduğunu, lakin Rusiyanın onun bu qədər davam edə biləcəyinə inanmadığını deyib.
Avropa Birliyinə üzv ölkələrin ortaq müdafiə mövzusunda daha yaxından əməkdaşlıq etmələri lazım olduğuna diqqət çəkən Sikorski suverenliyin hər bir üzv dövlətdə ayrıca olması səbəbiylə Birliyin sinxronizasiya problemi yaşadığını vurğulayıb.
