Rusiya və Hindistan Qəzza münaqişəsinin həlli prosesində əldə edilmiş razılaşmalara sadiq qalmalarının vacibliyini vurğulayıblar.
Medialive xəbər verir ki, bu barədə Kremlin saytında dərc olunmuş birgə bəyanatda deyilir .
“Tərəflər Qəzzada humanitar vəziyyətdən narahat olduqlarını bildiriblər və münaqişənin dayandırılması, humanitar yardımın göstərilməsi və davamlı sülhün bərqərar olması üçün bütün maraqlı tərəflərin aralarında əldə edilmiş razılaşmalara və anlaşmalara sadiq qalmalarının vacibliyini qətiyyətlə vurğulayıblar” – deyə birgə bəyanat yazılıb.
Moskva və Yeni Dehli Yaxın Şərqdə sülh və sabitliyə sadiqliklərini ifadə edərək, təmkinli olmağa, mülki şəxslərin müdafiəsinə və beynəlxalq hüquqa hörmət etməyə çağırıblar. Onlar vəziyyəti daha da gərginləşdirə və regionda sabitliyə təhlükə yarada biləcək hərəkətlərdən çəkinməyə çağırıblar.
