Baş nazirin müavini Şahin Mustafayevin rəhbərliyi ilə Azərbaycan nümayəndə heyəti Ermənistana səfər edib.
Medialive.az xəbər verir ki, bu gün səhər saatlarında Azərbaycan Hava Yollarına məxsus təyyarə İrəvandakı “Zvartnots” beynəlxalq hava limanına eniş edib.
Xəbəri Ermənistan Mülki Aviasiya Komitəsi təsdiq edib. Mənbə uçuşun 54 dəqiqə davam etdiyini yazıb.
Nümayəndə heyətinin tərkibi və səfərin məqsədi barədə əlavə məlumat açıqlanmayıb.
Qeyd edək ki, Şahin Mustafayev Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının sədridir.
