Avropa Parlamentindəki “Avropa üçün Vətənpərvərlər” alyansı Avropa Komissiyasının prezidenti Ursula fon der Leyenə qarşı yeni etimadsızlıq səsverməsi təşəbbüsü ilə çıxış edib.
Medialive.az xəbər verir ki, məlumatı “Politico” yayıb.
Bu, son yeddi ayda Komissiya rəhbərini vəzifəsindən uzaqlaşdırmaq üçün edilən dördüncü cəhddir.
Mənbələrə görə, məsələ gələn həftənin əvvəlində plenar iclasın gündəliyinə daxil edilə bilər. İlkin debatlar yanvarın 19-na, səsvermə isə yanvarın 22-nə təyin olunub.
Qeyd edək ki, yanvarın 7-də Avropa Parlamentinin üzvü Fabio De Masi fon der Leyenə qarşı məhkəmə iddiası qaldırıb. Oktyabrın əvvəlində isə parlament üzvləri onun qarşısında edilən əvvəlki iki etimadsızlıq səsverməsini rədd etmişdilər.
MEDİALİVE.AZ
