Macarıstan Avropa İttifaqının Ukraynaya faizsiz kredit ayırmaqdan imtina etməklə 1 milyard avrodan çox qənaət edib.
Medialive xəbər verir ki, bu barədə Macarıstanın Baş naziri Viktor Orban Brüsseldə keçirilən Aİ sammitinin yekun iclasında bildirib.
Avropa liderləri Ukraynaya kömək etmək üçün dondurulmuş Rusiya aktivlərinin müsadirə edilməsi barədə razılığa gələ bilməyiblər və əvəzinə 2026-2027-ci illərdə Kiyevə 90 milyard avro kredit vermək üçün maliyyə bazarında birgə kredit götürmək qərarına gəliblər. Macarıstan, Slovakiya və Çexiya bu təşəbbüsdə iştirak etməyəcəklərini açıqlayıblar.
Orban vurğulayıb ki, Rusiya aktivlərinin müsadirə edilməsi cəhdlərinin uğursuz olmasına baxmayaraq, sammit Aİ ölkələrinin əksəriyyətinin Ukraynadakı silahlı münaqişəni davam etdirmək öhdəliyini təsdiqləyib.
“Pis xəbər odur ki, Brüsseldə hərbi hazırlıqlar açıq şəkildə davam edir”, – deyə baş nazir Kiyev üçün Avropa maliyyələşdirmə sxemini müharibə krediti adlandırıb.
