“Avropa İttifaqı tərəfindən dondurulmuş Rusiya aktivləri bu ölkə ilə danışıqlar zamanı Qərbin əlində silah olacaq”.
Medialive xəbər verir ki, bu sözləri Rumıniya Prezidenti Nikusor Dan Brüsseldə keçirilən Aİ sammitindən sonra keçirilən mətbuat konfransında bildirib.
“Əvvəla, aktivlər bloklanıb. Heç kim onlardan istifadə edə bilməz. Əsas məsələ budur”, – deyə o bildirib.
“Onlar Ukraynanın maliyyələşdirilməsi üçün qeyd etdiyim 90 milyard avroluq ümumavropa kreditə zəmanət verirlər. Aktivlərin birbaşa istifadəsi ilə bağlı müzakirələr davam edir. Digər tərəfdən, onlar, müxtəlif planlar çərçivəsində aparılan danışıqlarda, belə demək olar ki, Avropa İttifaqının əlində silahdırlar. Buna görə də, Avropa İttifaqı müəyyən bir məqamda onlardan danışıqlarda istifadə edə bilər”, – deyə Dan bildirib.
Qeyd edək ki, Brüssel görüşünün iştirakçıları Kiyevə “təzminat krediti” adı altında Rusiyanın dondurulmuş aktivlərinin müsadirə edilməsi barədə razılığa gələ bilməyiblər.
Bunun əvəzinə, Aİ ölkələrindən kollektiv kreditlər vasitəsilə Ukraynaya 90 milyard avro faizsiz kredit verilməsi qərarı qəbul edilib.
